Si d’Amour vient mon gracieux martyre
0
vues
Si d’Amour vient mon gracieux martyre,
L’effet d’Amour, las ! quoy ? quelle chose estce ?
Si bonne elle est, les siens comment oppresse ?
Pourquoy à mal incessamment les tire ?
Si mauvaise est, quell’ raison ay je à dire
Doux mon tourment, plaisante ma tristesse ?
Si elle plaist, à quoi plains je sans cesse ?
S’elle deplaist, que m’y vault dueil ou ire ?
O vive mort ! ô mal plaisant à voir !
Comme avez vous sur moy tant de pouvoir,
Puis que voz loix ma volonté n’aprouve ?
O feux jumeaulx ! ô trompeuse esperance !
Vous seulz cousez en moy tant d’inconstance,
Qu’en bien ou mal, content je ne me trouve.
Recueil : Les Amours
