Ci Encoumence Li Diz des Ribaux de Greive

Ribaut, or estes vos a point :
Li aubre despoillent lor branches
Et vos n’aveiz de robe point,
Si en avreiz froit a voz hanches.

Queil vos fussent or li porpoint

Et li seurquot forrei a manches !

Vos aleiz en estei si joint
Et en yver aleiz si cranche !
Votre soleir n’ont mestier d’oint :

Vos faites de vos talons planches.

Les noires mouches vos ont point,
Or vos repoinderont les blanches.

Rutebeuf